33 ka indibidwal, gin-evacuate bangod sa dako nga grassfire sa Bacolod-Talisay boudary

Nag-evacuate ang kapin 33 ka mga indibidwal sa Purok Mahimulaton Multi-Purpose Hall sa Barangay Banago, Bacolod City matapos magluntad ang grassfire sa boundary sang Bacolod kag Talisay City.

Sa impormasyon nagikan sa Bacolod City Communications Office bangud sa madamol nga aso nga gintuga sang grassfire, nag-evacuate ang mga residente sa lugar.

Wala naman sang may narecord nga nasamaran sa insidente.

Samtang, ginbuligan man sang mga kapulisan sang Maritime Police Negros Occidental nga makagwa ang mga tawo nga nagatinir sa Missionaries of Charity Home of Joy sa Barangay Banago, Bacolod City.