Nagpasa sang petition letter ang 33 ka mga Punong Barangay sa cudad sang Bacolod sa hingyo nga liwat nga magpapili si Mayor Alfredo ‘Albee’ Benitez bilang alkade sang ciudad.
Suno kay Atty. Caesar Distrito, spokesperson ni Benitez, nalakip sa mga option ni Benitez kun siya ang liwat nga magpapili bilang alkalde ukon siya ang magpapili bilang kongresista samtang si Bacolod City Lone District Congressman Greg Gasataya naman ang magapapili bilang alkalde.
Suno kay Distrito, mismo si Benitez ang maga-anunsyar kun ano nga posisyon ang padalaganan sini kag kun ano man ang mangin desisyon sini, nagpangabay si Distrito nga suportahan kag mag-isa sa gihapon ang ciudad sang Bacolod.
Ginahulat na lamang ang pagbalik sang alkalde sa Oktobre 2 gikan sa offical trip sini sa Italy.
Pahayag ni Distrito, ginarespeto sang alkalde ang petition sang 33 ka Punong Barangay apang mas maaayo nga hulaton ang anunsyar ni Benitez.
Samtang, ang 28 naman ka Punong Barangay nga wala nagperma sa petition ang nagpahayag nga hulaton anay nila ang pag-anunsyar sang alkalde, nalakip man sa wala nagperma si Distrito.
