Nagdangat na sa 33,500 ang mga Bacolodnon nga nabakunahan batok sa coronavirus kag 4,700 diri ang fully vaccinated na ukon nakabaton na sang duha ka doses.
Sa interview sang Bombo Radyo kay Bacolod City Administrator Em Ang, nagapadayun ang pagpangbakuna sa syudad.
Nagapangatubang man sang kakulangan sang COVID rooms ang syudad bangud wala pa nakabayad ang PhilHealth sa mga ospital.
Isa man sa problema sang syudad suno kay Ang, ang pag-expire sang kontrata sang mga contact tracers sa bulan sang Hunyo.
Apang sa meeting sang mga alkalde kag gobernador sang Pilipinas kahapon kaupod kanday Health Secretary Francisco Duque III; DILG Secretary Eduardo Año; Vaccine Czar Secretary Carlito G. Galvez Jr. ginpahayag sang mga ini nga lantawon pa kun may yara sang pondo sa pagkuha sang mga contact tracers.
Ginpahayag man sang Bacolod city administrator nga ginpahayag man sang tatlo ka mga secretaries nga nakaprayoridad ang Bacolod kag Iloilo sa vaccine apang wala sang commitment kun pila ang allocation kag san-o maabot.
