Patay ang isa ka 34-anyos nga lalaki matapos ginluthang sang suspetsado nga sakay sa motorsiklo sa Purok Tayum-an, Barangay Sta. Rosa, banwa sang Murcia kagab-i.
Ginkilala ang suspetsado kay Leonardo Garcia Jr. kag residente sang Purok Paglaum, Barangay Minoyan.
Sa impormasyon nga nakuha sang Bombo Radyo Bacolod, nakabaton sang tawag ang Murcia PNP kun sa diin ginpahibalo sila nga may yara sang shooting incident nga natabo sa amo nga lugar.
Gilayon naman nga nagresponder ang kapulisan.
Base sa inisyal nga imbestigasyon, ang biktima ang nagapungko sa sagwa sang balay sang iya iloy upod ang iya bata nga menor de edad sang hinali lang nga nagdulog ang suspetsado nga sakay sa motorsiklo kag gintiro ini sang makapila ka bes.Ginhingagaw pa ini dala sa Murcia Rural Health Unit kag ginrefer sa Corazon Locsin Montelibano Memorial Regional Hospital apang gindeklarar nga dead on arrival.
Nakuha sa crime scene ang apat ka mga fired cartridges sang .45 caliber pistol.
Sa karon padayon pa ang imbestigasyon sang kapulisan sa insidente.
