34 ka mga pamilya nga nagapuyo sa old airport sa Barangay Singcang Airport ang apektado sa plano nga pagpatukod sang establishemento sang SM Prime.
Sa interview sang Bombo Radyo kay Punong Barangay Rosinie Distrito, may yara sang 34 ka mga pamilya ang nagapuyo sa old airport.
Suno diri, sila ang mga informal settlers nga una nagapuyo sa idalum sang taytay nga gin-ayo nga magsaylo, kag amo nga nagtinir sa old airport.
Suno diri, sa karun nga ginapanag-iyahan na sang SM Prime ang 40 ka ektarya nga duta, mahimo nga pahalinon didto ang mga pamilya, gani nagapangayo ini sang bulig gikan sa siyudad nga ma relocate ang mga ini.
Nakig-angot naman ini sa SM Prime kag nagkomunikar man ang pihak nga bahin.
Samtang, wala naman sang problema sa mga pamilya nga sila isaylo basta nga may yara sila sang palangabuhian kag luyag man ang mga ini makigbahin sa housing program sang siyudad.
