35-anyos nga manug-ihaw sang baboy, nasapwan patay sa ila sulod balay sa ciudad sang Himamaylan

Nasapwan nga patay kag may igo sang bala ang 35-anyos nga manug-ihaw sang baboy sa sulod sang ila balay Sitio Daan Banua, Barangay Su-ay, Himamaylan City alas-4:30 Biyernes sang aga.

Ginkilala ang biktima nga si alyas “Josh”, lalaki, kasado nga residente sang nasambit nga lugar.

Santo sa panaysayon sang live-in partner sang biktima, ginpukaw niya si alyas “Josh” agud mag-ihaw kuntani sang baboy, apang wala ini gasabat.

Ginbuksan sini ang suga kag didto na niya nasapwan ang iya live-in partner nga napuno sang dugo.

Gilayon ini nga nangayo sang bulig sa tupad balay.

Gindala ang biktima sa ospital apang gendeklarar nga dead on arrival.

Padayon ang imbestigasyon sang Himamaylan City Police Station angot sa insidente.