Kapin P257,000 nga financial assistance ang ginhatag subong nga adlaw sa mga biktima sang sunog sa Barangay 10, Bacolod City sang tinalikdan nga semana.
Nahibaluan nga tubtob sa karun, yara sa gihapon sa Bacolod Arts Youth and Sports (BAYS) Center ang 35 ka mga pamilya nga nahalitan sang sunog.
Suno kay Bacolod City Lone District Congressman Greg Gasataya, nakabaton sang tag P10,000 ang totally damaged ang balay; P5,000 sa partially damaged; kag tag P3,000 sa mga renters kag sharers.
Suno kay Gasataya, ang pondo ang nagikan sa Department of Social Welfare and Development Office.
Suno sa kongresista, subong nga adlaw man igapanagtag ang mga GI sheets ukon atop sa balay nga ila personal nga assistance sa mga nasunugan.
500 ka atop ang igaturn-over sa barangay kag magadepende na sa mga opisyal ang pagdivide sini sa mga nasunugan.
Nagalaom si Gasataya nga kuntani indi mawad-an sang paglaom ang mga biktima sang sunog kag nagpasalig nga sila ang nagapaninguha agud mag-assist sa mga ini.
