3,500 ka mga benepisyaryo sang Department of Agrarian Reform (DAR) sa probinsya sang Negros Occidental ang nagbaton sang land titles kag Certificates of Condonation with Release of Mortgage (CoCRoM) kahapon sa ginpatigayon nga distribution ceremony sa Cadiz City, Negros Occidental.
Nagbaton sang land titles ang 1,702 ka mga benepisyaryo kun sa diin 666 diri ang gikan sa northern Negros samtang 1,036 ang gikan sa southern Negros.
Samtang, 1,798 naman ang nagbaton sang CoCRoM kun sa diin 807 ang gikan sa norte nga bahin sang probisnya kag 991 ang gikan sa sur.
Suno kay DAR Undersecretary Jesry Palmares, ini ang pagtuman ni President Ferdinand Marcos Jr sa promisa sini nga mahatagan sang titulo kag CoCRoM ang Agrarian Reform Beneficiaries (ARBs).
Suno diri, handum ni Marcos humalin sang siya ang nag-umpisa sa pagpungko bilang presidente nga wala na sang bayaran ang mga benepisyaryo kag mahatag na sa ila ang titulo sang duta nga mahimo pa nila mapanubli sa ila mga kabataan kag sa mga masunod nga henerasyon.
