Magluwas sa mga patalom kag mga balatian mahimo ka man mapatay bangud sa pagpanguy-ab.
Isa ka 36 anyos nga babayi sa United Kingdom ang natigayon nga masalbar matapos diutayan lang nga mapatay sang nabalian sang liog bangud sa tuman ka baskog nga pagpanguy-ab.
Ang babayi ang ginkilala kay Hayley Black.
Nahibaluan nga bag-o pa lamang bugtaw ang biktima, kag samtang nagainit sang tubig para itimpla sang gatas para sa iya baby, natabuan man nga nagapanguy-ab ang lapsag kag siya ang nalatnan gani nagpanguy-ab man.
Apang nakabatyag ini sang “electric shock sensation” nga naglapta sa iya bilog nga lawas, kag siya ang nagtiskog nga na-unay ang kamot nga naga-alsa.
Gilayon man sini nga gin-ayo ang iya bana nga magtawag sang ambulansya.
Sang nag-abot ini sa Milton Keynes City, nakabatyag si Black sang tuman nga kasakit, apang nabudlayan ang mga doctor nga mahangpan kun ano ang natabo bangud wala maayo sang makita sa scan.
Matapos nga makuhaan sang scan ang liog, natukiban nga ang C6 kag C7 nga tul-an sa liog sang biktima ang nagsulod sa iya nga spine bangud sa pagpamwersa sini sang siya ang nagpanguy-ab.
Ginapakamaayo naman nga napatigayon gilayon ang emergency surgery gani nalikawan ang mas malala pa nga damages kaangay sang permanente nga paralysis.
Ang insidente ang nagtuga man sang nerve damage kag tracheal scar nagikan sa pagkakas sang disc sa liog sang biktima.
Si Black ang sa karun naka-wheelchair samtang nagapaayo, bangod kinahanglan pa sini nga liwat makatuon kung paano maglakat.
