Dakop ang 36 anyos nga Bacolodnon matapos nagpangawat sang duha ka pack sang briefs sa isa ka baligyaan sa syudad sang Bago, Negros Occidental.
Ang suspetsadp ang ginkilala kay Rene Boy Deles, 36 anyos kag residente sa Purok Sambag, Barangay Mandalagan, Bacolod City.
Nahibaluan nga caught in the act ang suspetsado sang ini ang magpangawat sa store ni Jose Hermilo Mesias, 57 anyos sa Purok Proper, Barangay Taloc, Bago City alas-12:30 kahapon sang udto.
Nagtinguha pa nga makapalagyo ang suspetsado apang ini ang natigayon nga madakop.
Si Deles ang gindala mismo sang business owner kaupod sang duha ka iban pa sa Bago City Police Station.
Nahibaluan nga ang duha ka pack sang briefs nga ginkawat sang suspetsado ang nagabalor sang P1,200.
Ang suspetsado ang nahimo man nga makagwa matapos nga wala na ginpasakaan sang kaso.
