Pilason ang isa ka lalaki matapos nga ginbuno sa public market sa Barangay Tan-awan, Kabankalan City, Negros Occidental kahapon sang hapon.
Ginkilala ang biktima kay Larry Ababaw, 36 anyos kag residente sang Sitio Saise, Barangay Tan-awon, Kabankalan City samtang ang suspek Elvy Acson alyas Jonie, 50 years anyos, lalaki, kasado, laborer kag residente sang Purok 3, Brgy Tan-awan, Kabankalan City, Negros Occidental.
Santo sa imbestigasyon sang mga kapulisan nga ang biktima kag ang suspek ang nagainum sang makahulubog nga ilimnon kun sa diin nagluntad ang pagbaisay.
Ang suspek ang gilayon nga nagkadto sa motorsiklo sini kag ginkuha ang sundang kag hinali lang nga ginbuno ang biktima nga nag-agom sang samad sa naidalom nga bahin sang iya dughan.
Gindala sa ospital si Larry agud madapatan sang pagbulong.
Ginalantaw nga indi pag-instindihanay ang rason sang pagbuno sang suspek sa biktima.
Sa karun padayon pa ang pagpangita sang mga otoridad sa suspetsado matapos nga ini ang nagpalagyo matapos ang insidente.
