Hustisya ang panawagan sang 37 anyos nga lalaki matapos nga ginlampusan sang tubo ni suspended Barangay Kagawad Bernabe Sibug sang Brgy 7, Bacolod City.
Sa interview sang Bombo Radyo Bacolod kay Paolo Jarobel, ginpahayag sini nga sang siya ang maglabay sa balay ni Sibug, siya ang ginsita sang suspended Barangay Kagawad sang “Maano ka, isog kagid haw? hapos ka lang patyon” kag amo nga nagbaisay ang duha tubtob nga gintambagan ni suspended Punong Barangay Hersy Sibug nga amo ang nagpangayo sang pasaylo kay Jarobel.
Apang ang suspended Barangay Kagawad ang nagkuha sang tubo kag siya ang ginlampusan.// Nalipongan si Jarobel kag wala na ini nakahibalo sang sunod nga natabo.
Nakita sini sa CCTV nga matapos ini malipongan, siya ang ginlampusan pa gid sang suspended brgy kagawad sang duha ka beses.
Suno diri, posible nga nahimo sadto ni Bernabe Sibug bangod nga yara ini sa impluwensya sang makahulubog nga ilimnon kag sa karun madamo sang problema nga gina-atubang matapos nga ginsuspend sila sang asawa niya nga Punong Barangay bangod sila ang administratively liable sa Conduct Prejudicial to the Best Interest of the Service, Grave Abuse of Authority kag Grave misconduct.
Pahayag ni Jarobel, magapasaka ini sang kaso agud maagom ang hustisyaBE SIBUG.
