Patay ang isa ka lalaki matapos nga gintiro samtang yara sa birthday party sa Purok 12, Barangay Asia, Hinobaan Negros Occidental sang Sabado sang gab-i.
Ang biktima ang ginkilala nga si Ronald Gomez, 37 anyos samtang ang suspek naman ang mag-amay nga sanday Jessie Arbillo, 38 anyos kag Jason Arbillo.
Sa interview sang Bombo Radyo Bacolod kay Police Major Jaynick Bermudez, hepe sang Hinobaan Municipal Police Station, natabo ang insidente alas 7:00 sang gab-i apang ginreport alas-11:00 na sang gab-i.
Gilayon man nga nagresponder ang kapulisan, apang bangud malayo ang lugar ang naabtan nalang nila amo ang bata sang biktima kag ang tag-iya sang balay kun sa diin ginselebrar ang birthday.
Santo sa imbestigasyon ang biktima kag ang mga suspek ang may yara sang indi pag-hangpanay samtang nagainum sang makahulubog nga ilimnon.
Nag-ilinaway na ang iban nga bisita kag nagdalagan, apang bangod wala naabtan sang suspek, si Gomez na lamang amo ang iya ginpa-ukpan kag ginluthang gamit ang caliber 45 pistol.
Ang mga nagdalagan ang ginhold sang kapulisan para sa imbestigasyon kag kabigon man nga witness sa krimen.
Mahimo mapasakaan sang kaso nga murder ang mag-amay nga suspetsado paagi sa inquests proceedings.
