Nagdangat sa 37 ang successful blood donors sa ginpatigayon nga Dugong Bombo sa banwa sang EB Magalona subong nga adlaw.
Pasado alas 09:00 kaina sang aga, pormal nga gin-umpisahan ang blood letting activity sang Philippine Red Cross in partnership sa Bombo Radyo Bacolod kag EB Magalona Municipal Health Office sa Barangay Nanca.
Sa interview sang Bombo Radyo Bacolod kay Punong Barangay Roberto Jocson Jr., ginabanta 50 ka mga blood donors ang nagpadulong sa gym agud makigbahin sa bloodletting apang 37 lang ang naqualify.
Nagpasalamat man ini sa Bombo Radyo nga isa ang Barangay Nanca, EB Magalona sa ginpatigayunan sang Dugong Bombo.
Ginpahayag man ni Jocson nga ang tanan nga nagdonate sang dugo ang luyag nga makabulig sa isig kapareho kasubong man sa ila kaugalingon.
Samtang, pagpangaman naman sa emerhensya ang rason sang isa ka galloner sang Dugong Bombo.
Suno kay Rodrigo Dela Cerna, 43 anyos residente sang nasambit nga lugar, 20 na ka beses siya nga nagapakigbahin sa Dugong Bombo.
Suno diri, dako man ang mabulig sang gindonar niya nga dugo sa mga nagakinahanglan.
