Padayon ang imbestigasyon sang Bacolod Police Station 9 sa gina-alegar nga stray bullet incident sa Brgy Cabug, Bacolod City, kahapon alas-2:00 sang kaagahon.
Sa interview sang Bombo Radyo kay Police Captain Andy Ofalia, station commander sang Bacolod Police Station 9, naga-inom inom ang 38 anyos nga biktima kaupod ang iya tatlo ka abyan sang nakabatyag ini sang kasakit sa iya nawala nga kamot kag paa.
Suno diri, nakibot na lamang ang biktima nga may pilas ini tuga sang igo sang bala.
Suno kay Ofalia, gina-usisa pa kun stay bullet incident gid man ang natabo bangod wala man sang may narekober nga bala sa area.
Napaidalom na sa paraffin test ang tatlo ka upod sang biktima kag ginahulat na lang ang resulta samtang gianahulat na lang ang biktima nga mapaidalom man sa paraffin test.
