Dakop ang isa ka lalaki sa checkpoint nga ginpatigayon Manapla Police Station sa Brgy I-B, Manapla, Negros Occidental kahapon matapos nga makuhaan sang indi lisensyado nga armas-luthang.
Ginkilala ang nadakpan kay Elmer Parreno, 38 anyos, kasado kag residente sang Hda. Refuejo, Brgy Purisima, Manapla.
Sa imbestigasyon sang Manapla Municipal Police Station, nagapatigayon sang checkpoint ang kapulisan sa banwa sang Manapla kag ginpangayuan sang drivers license ni Police Cpl. Mark Anthony Ting apang nakita nga indi ini mahim-os kag diri nakita sang pulis ang isa ka pistola nga nakasulod sa sling bag sang suspetsado kag sang ginverify nag-ako si Parreno nga ginadala niya ini nga nagresulta sa pag-aresto sa iya.
Nakuha sa paghinakop sini amo ang isa ka improvised pistol revolver (pugalite), nga loaded sang lima ka M-16 live ammunition, isa ka holster kag isaka sling bag color black.
Nakahunong na ini sa Manapla Municipal Police Station kag natalana nga pasakaan sang kaso nga paglapas sa RA 10591 ukon Comprehensive Firearms and Ammunition Regulation Act.
