Balik prisuhan ang isa ka anay priso matapos liwat nga nadakpan sa drug buybust operation nga ginpatigayon sang City Drug Enforment Unit sa Barangay 27, Bacolod City, Pebrero 17.
Sa interview sang Bombo Radyo kay CDEU Head Police Lt. Joven Mogato, ginkilala ang suspetsado kay Carolyn Vinal, isa ka lesbian, 39-anyos kag residente sang nasambit nga lugar.
Suno kay Mogato, bag-o lamang nakagwa sa prisuhan si Vinal sa kaso may kaangtanan man sa illegal nga druga kag ini ang under probation pa.
Nakuha sa iya paghinakop ang walo ka mga heat sealed transparent plastic sachet sang suspected shabu nga nagabug-at sang 28 ka gramos kag may estimated market value nga P190,000.
Sa karun nakahunong na ang suspetsado kag magapangatubang sang kaso nga paglapas sa R.A. 9165 ukon Comprehensive Dangerous Drugs Act of 2002.
