39th Masskara Festival opisyal na nga nagbukas

BACOLOD CITY-Opisyal na nga ginbuksan ni Bacolod City Mayor Evelio “Bing” Leonardia ang Masskara Festival 2018 sa ginpatigayon nga opening program sa Bacolod Public Plaza kagab-i.

Naghatag sang opening message si Councilor Em Ang kag naghatag man sang iya mensahe si Vice Mayor El Cid Familiaran.

Ginsindihan man ang mga kandila sang pito ka bilog nga cake kag ginhuyop ini sang mga opisyales samtang ginakanta ang ‘happy birthday song’ para sa ika-80 nga kaadlawan sang ciudad.

May yara man sang wine toasting nga natabo kag pagkatapos sini, gindeklarar na ni Leonardia ang opisyal nga pagbukas sang kafiestahan kadungan sang isa ka fireworks display.

Ang 39th Masskara Festival ang may tema “Happy Birthday, Bacolod” kag magatakop sa Oktubre 28.