Generally peaceful ang assessment sang 3rd Infantry Division sang Philippine Army sa 2022 national and local elections nga ginpatigayon sang Mayo 9.
Sa interview sang Bombo Radyo kay 3rd ID spokesperson Captain Kim Apitong, apisar nga may insidente nga nagluntad sang adlaw sang Eleksyon sa pila ka mga areas, indi ini makabig nga alarming.
Suno kay Apitong, wala nakaapekto ang mga ini sa electoral process kag nangin malinong pati sa mga remote areas kag areas of concerns, kun sa diin nagdeploy sila sang nagakaigo nga forces.
Suno diri, nagbulig man ang iban nga mga forces, uniformed personnel kag ahensya sa pagpasiguro sang malinong kag matawhay nga Eleksyon.
Suno sa tagpamaba sang 3rd ID sang Philippine Army, may mga nagluntad nga shooting incidents kag alarm and scandal kun sa diin nagainaway ang duha ka mga partido apang indi ini makabig nga alarming.
Gindugang man sini nga wala ang nasambit nga mga insidente nag-escalate kag indi na kinahanglan mag-intervene ang military forces.
Ginakalipay naman sang tagpamaba nga nangin malinong ang ginpatigayon nga pagpiniliay.
