Ginpasalig sang 3rd Infantry Division nga sige-sige ang combat operations sang mga suldado batok sa mga miyembro sang New People’s Army sa pihak sang eleksyon.
Sa interview sang Bombo Radyo kay 3rd Infantry Division spokesperson Capt. Kim Apitong, nagpanawagan ini sa mga katapo sang rebelde nga grupo nga magbalik sa sabak sang gobyerno agud indi magpareho sa nadangatan sang NPA members sa southern Negros sang nagliligad nga inadlaw kun sa diin lima ang nagkalamatay sa sunod-sunod nga engkwentro sa Himamaylan kag Cauayan.
Madumduman nga apat ang napatay sa engkwentro sa Himamaylan kag isa sa banwa sang Cauayan.
Suno kay Apitong, padayon ang operasyon batok sa rebelde nga grupo bisan eleksyon bangud may yara sang bastante nga pwersa para diri kag lain man ang igadeploy para sa seguridad sang piniliay ukon anuman nga kalamidad.
Bangud sini, sarang nga mahimo sang dungan ang nasambit nga mga responsibilidad, kaupod ang iban nga ahensya sang gobyerno.
