Pabor ang tagpamaba sang 3rd Infantry Division sang Philippine Army nga ipaiway ang ila nga Christmas Party.
Nahibaluan nga ginmanduan sang Armed Forces of the Philippines ang tanan sini nga mga service branches nga ipaiway ang Christmas parties kag ipa-in nalang ang pondo para sa amo nga selebrasyon sa COVID-19 response sang militar kag para sa mga suldado nga natapikan sang coronavirus disease 2019.
Sa interview sang Bombo Radyo Bacolod kay Army Major Cenon Pancito III, spokesperson sang 3rd ID sang Philippine Army, ginpahayag sini nga naga-ugyon siya sa mando nga pagpaiway sang Christmas party para sa ikaayo sang tanan.
Suno kay Pancito, pwede man makaselebrar sang Paskwa ang mga suldado bisan wala na sang party nga matabo.
Suno sa iya, indi man madula ang espirito sang Paskwa kun wala sang Christmas party.
Ang kwarta nga magakadto kuntani sa Christmas party suno kay Pancito ang pagagamiton para sa COVID-19 efforts nga ila ginahimo sa karon.
