Suportado sang commander sang 3rd Infantry Division sang Philippine Army ang mando ni President Ferdinand “Bongbong” Marcos Jr. sa Armed Forces of the Philippines kag Philippine National Police nga idismantle ang mga private armed groups sa pungsod.
Sa interview sang Bombo Radyo kay Brigadier General Marion Sison, indi otorisado ang mga private armed groups kag ang AFP kag PNP lamang ang authorized nga magpossess sang mga firearms kag magprotekta sang mga pumuluyo.
Suno kay Sison, may mga influential nga mga indibidwal nga ginagamit ang mga private armed groups batok sa ila mga kontra kag ini ang nagakatabo sa bilog nga pungsod.
Suno sa iya, ginakabig nga illegal organizations kag wala sang advantage sa pungsod ang mga private armed groups kag ginpaanggid niya ini sa mga communist-terrorist groups.
Suno diri, antes paman ang mando sang Presidente, ila na ginatrabaho ang pagbuwag sang mga private armies.
Nagpanugyan man ini sa mga dishonorable discharge kag mga anay suldado nga indi makigbahin ukon magparecruit sa mga influential individuals bangud katalagman lamang ang padulungan sini.
Suno kay Sison, imbes nga makigbahin sa mga illegal nga aktibidad, mas maayo kun magpangita sila sang insakto nga trabaho.
