Patay ang apat ka tuig nga bata nga babayi nga natrap sa sulod sang balay nga nasunog sa purok Ipil-ipil, brgy 1, ciudad sang San Carlos, Negros Occidental, kahapon kapin alas- 2:50 sang hapon.
Sa interview sang Bombo Radyo kay Fire Officer 2 Neil Bantillo, Chief fire investigator sang San Carlos City Fire Station, ginbilin sang iloy ang bata sa iya lola kun sa diin may yara pa gid sang duha nga yara man sa sulod sang balay nga ginabantayan man sang lola.
Suno kay Bantillo, sang nagluntad ang sunog nahingagaw ang duha ka apo masalbar sang lola apang wala nasalbar ang apat ka tuig nga bata bangod nagdako na gid ang kalayo.
Nagdangat naman sa masobra sa 20 ka balay ang nahalitan sang sunog./
Sa karun padayon pa ang imbestigasyon kun ano ang rason sa nagluntad nga sunog.
