BACOLOD CITY – Arestado ang apat ka mga persona matapos nabaklan sang iligal nga droga sa buybust operation sang Police Station 3 kaina sang kaagahon.
Ginpatigayon ang operasyon sa Purok Dawis, Barangay 14 ciudad sang Bacolod sa diin naaresto ang mga suspetsado nga sanday Jerry Bugna, 29-anyos sang Purok Magtiayon, Brgy. 10 nga subject sa operasyon kag kasimaryo sini nga si Sam Parinar, 20; Marlon Cordova, 28, sang Purok Narra Baybay, Brgy. 8 kag Rogermar Calalang, 30, sang Brgy. 14.
Nakuha sa paghinakop ni Bugna ang 8 tanan ka sachets sang suspected shabu lakip na ang buybust item, wallet kag P300 cash.
Samtang nakuhaan naman sanday Parinar kag Cordova sang tag-isa ka elongated sachet sang suspected shabu, kag 1 small sachet naman ang kay Calalang.
Sa kabug-usan ginabanta nagabalor sang P125,000 ang suspected drugs nga narekober sa mga suspetsado.
Suno sa commander sang Police Station 3 nga si Police Major Ruel Culanag, mga isa man ka bulan ang ila surveillance sa subject kag newly-identified ini sa ila estasyon.
Natigayon ang operasyon sa bulig sang mga opisyales sang Brgy. 14 nga naalarma na sa mga indi kilala nga tawo nga nagasulod sa ila barangay.
Suno kay Culanag, nagadul-ong lang kag nagabaligya sang suplay ang mga suspetsado sa Brgy. 14.
Sa karun tsekyarun sang Station 3 kun watchlisted man sa iban nga estasyon ang mga naaresto.
