Nagdangat na sa indi magnubo sa apat ka mga persona ang nagkalamatay bangud sa ginakabig pinakamakusog nga bagyo nga nag-igo sa Taiwan sa sulod sang walo ka tuig kag gintunaan sang pagbaha sa pila ka bahin sang isla.
Nagapadayon naman sa karun ang pagpangita sang mga rescuers sang anum ka mga sailors nga missing matapos nga naglubog ang ila cargo ship bangud sa bagyo.
Bangud sa Typhoon Gaemi, ang mga dalanon sa southern Kaohsiung city ang daw nangin kaangay sang suba kun sa diin pila sa mga pamalay ang ginsulod sang baha.
Kanselado man ang klase kag trabaho sa pila ka mga lugar kag linibo nga mga pumuluyo ang nag-evacuate.
Suno sa fire agency sang Taiwan, nakabaton ini sang report sang Huwebes nga isa ka cargo ship ang nalunod sa southwestern coast sang isla rason kun ngaa napilitan ang siyam ka mga Myanmar crew members nga abandonahon ang barko suksok ang life jackets.
