Para sa Punong Barangay sang Barangay Singcang Airport, Bacolod City insakto nga i-extend sa apat ka tuig ang termino sang barangay and Sangguniang Kabataan (SK).
Madumduman nga ang ginratify sang Senado ang bicameral conference committee report nga nagatuyo nga i-extend ang termino sang barangay and Sangguniang Kabataan (SK) officials.
Ang extension sang term of office, santo sa report, para sa barangay kag SK officials ang humalin tatlo tubtob apat ka tuig.
Santo sa Bicam report, ang barangay officials ang mkaangkon sang isa ka maximum nga tatlo ka termino sa kaangay nga position.
Samtang, ang SK officials ang makaangkon lamang sang isa ka termino sa kaangay nga position.
Sa interview sang Bombo Radyo kay Atty Ceasar Distrito, ideal ang apat ka tuig nga term of office para makaperform kag makahambal ang pumuluyo kun malain ukon maayo ang opsiyal.
Suno diri, ang opisyales sang brgy una nga ginadalaganan sang tawo kun may problema.
Bisan ilinaway sang pamilya ukon kaingod, away sa bomba, away sa ilig sang tubig halin sa bomba, kag kun kaisa away sa kun sin-o ang nagapanag-iya sang manok.
Suno kay Distrito madamo sang ginapadangat nga problema sa brgy antes pa man mapalab-ot sa Sangguniang Panglungsod.
Dugang pa sini, ini na sa karun ang tion para sa mga brgy officials nga magperform sang insakto agud liwat nga ma-eliher ukon magpabaya kag magpreparar na lang sa pagbiya sa pwesto.
