Kaangay nga ginkilala bilang ‘Benjamin Button’ sang China ang 40 anyos nga aktor nga si Hou Xiang bangod sa young appearance sini.
Nagtrending ang picture ni Xiang kaupod ang iya asawa kun sa diin iban naghambal nga kaangay mag-iloy ang duha apang wala na ini ginsapak ni Xiang bangod naanad naman siya.
Si Xiang ginbun-ag nga premature matapos nga magsuprer sang malnutrition ang iya iloy samtang nagabusong.
Siya ang magamay kun ikumpara sa iban nga bata nga may kaangay nga edad sa iya apang sa edad nga 9-anyos, nag-untat ang iya physical development amo nga nagpabilin nga bata kun tulokon ang iya itsura.
Sa bulig sang suporta sang iya pamilya, nagpursue ini sang acting nga career kag nakakuha ini sang role sang 2005 bilang primary school student apang 19 na ang iya edad sadto.
Makaligad ang pila ka tuig, nangin kabahin na si Xiang sang mga popular drama kag gindayaw sang mga director ang iya talento sa pagsunod sa mga pagsulondan samtang ang iban nga mga kabataan nabudlayan mag-intindi.
