Nasapwan na lamang nga wala na sang kabuhi ang 40 anyos nga lalaki matapos gina-alegar nasobrahan sa masturbation sa Rodriguez Street, Purok Adarna, Barangay 16, Bacolod City.
Ang biktima ang ginkilala nga si Ernesto Gani, 40 anyos, tumandok sang Barangay Narra, Cauayan.
Suno sa live in partner sang biktima nga si Tessie Bornea, 59 anyos, person with disability (PWD), kag nagawheelchair na lamang bangod sa kabudlayan sa paglakat, nasapwan sini nga wala na sang kabuhi ang biktima alas-6:00 kaina sang aga.
Ini ang wala sang pang-idalom nga panapton kag naga-uyat sa iya nga kinatawo.
Suno kay Bornea, sang tinalikdan ginsaway na sini si Gani bangod masami niya nga makita nga nagamasturbate, apang ini ang nagpangakig kun sawayon.
Apisar sa kabudlayan sang sitwasyon, gintinguhaan pa ni Bornea nga matabangan ang iya partner kun sa diin ginbanyusan pa sini ang butkon kag tangkugo sang biktima.
Nakaangkon man ini sang kabudlayan sa pagpangayo sang tabang bangod sarado ang piertahan sang ila gina-estaran nga daan nga salakyan.
Nagapanawagan man ini sa pamilya sang biktima sa Cauayan, nga sila ang mabuligan.
