Patay ang 40 anyos nga lalaki matapos nga gintiro sang isa ka 22 anyos nga lalaki nga ginkilala nga si alyas “George” sa Hacienda Unson, Brgy. Santa Teresa, Manapla, Negros Occidental.
Ang biktima ang residente sang Zone 5, Barangay Purisima, Manapla, Negros Occidental.
Sa inisyal nga imbestigasyon, pasado alas-3:00 sang hapon, ang suspek nga nagasakay sa motorsiklo ang hinali nalang nga nagpalapit sa biktima kag ini ang gintiro sa lawas.
Nakapalagyo pa ang biktima apang ginlaot ni George kag liwat nga gintiro sa ulo nga nagtuga sang iya kamatayon.
Narekober ang isa ka live ammunition sang caliber .45 sa crime scene.
Suno sa amay sang suspek, may kaakig si George sa biktima bangud sa pagpatay sini sa iya nga tiyo.
Padayon sa karun ang paglagas sang Manapla Municipal Police Station sa suspect.
