41-anyos nga lalaki sa Bacolod, pilason matapos maglupok ang ginpudyot nga kamara

Pilas sa ulo kag tiil ang naangkon sang isa ka lalaki sa banwa sang Cauayan matapos malukpan sang Goodbye Philippines nga palupok kahapon.

Sa impormasyon nga nakuha sang Bombo Radyo Bacolod, ginkilala ang biktima kay Edmund Tablason, 45-anyos kag residente sang Barangay Guihulngan sang nasambit nga banwa.

Nagagwa sa imbestigasyon nga ginsindihan sini ang ginadumilian nga palupok nga goodbye Philippines.

Mahingagaw pa kuntani ini nga magdalagan apang naabtan ini siya sang paglupok.

Nakaangkon si Tablason sang pilas sa ulo kag tiil kag padayon karon nga ginabulong sa Corazon Locsin Montelibano Memorial Regional Hospital.