Arestado ang 42-anyos nga lalaki matapos nakuhaan sang calibre .38 revolver nga armas luthang kag suspected shabu sa Purok Katilingban San Agustin Street, Barangay Poblacion, La Carlota, Negros Occidental sang Marso 15 sang hapon.
Sa impormasyon nga nakuha sang Bombo Radyo, ginraid kag ginserbehan sang search warrant ang puluy-an ni Lawrence Egay, 42-anyos, residente sang Barangay 2 sa nasambit nga ciudad.
Ang search warrant ang gin-issue sa La Carlota City Regional Trial Court sang Marso 9, 2023.
Nakuha sa paghinakop ni Egay ang calibre .38 revolvera, apat ka mga bala sang nasambit nga armas luthang, sling bag kag apay ka sachet sang suspected shabu nga nagabug-at sang isa ka gramo kag may estimated market value nga P6,800.
Sa karun nakahunong si Egay sa La Carlota City Police Station.
