Patay ang isa ka lalaki matapos gintadtad sang luthang sang tatlo ka mga lalaki sa banwa sang Salvador Benedicto, Negros Occidental.
Suno kay P/Lt Everly Canto, deputy chief sang Salvador Benedicto Municipal Police Station, ang biktima ang ginkilala kay Joeffrey Torreña, 42 anyos kag residente sa Sitio Magasin, Barangay Bago, Salvador Benedicto.
Nahibaluan nga papauli na kuntani ang biktima sa ila balay sang ginbanggaan ini sang tatlo ka wala pa makilal-an nga persona kag ginpaarakan sang luthang.
Sa karun, nagapadayun man ang pagpatigayon sang imbestigasyon sang mga kapulisan agud matumod ang identity sang tatlo ka armado nga mga kalalakinhan kasubong man ang motibo sa krimen.
Santo sa imbestigasyon sang kapulisan, wala man sang malain nga record ang biktima sa barangay kag ini ang malapit naman sa kapulisan.
Nagabulig man ini sa mga may kinahanglanon sa barangay ilabi na nga ang Sitio Magasin amo na ang pinakaulihi nga sitio sa Barangay Bago.
Bangod sa boundary ang sitio sa banwa sang Calatrava kag Salavador Benedicto, si Torreña ang nagaserbe sang mga ini nga messenger.
Maayo naman ang pagkilala diri sang mga pumuluyo kag wala man ini sang kaaway nga persona.
Naggwa man sa imbistigasyon ang posibilidad nga ini ang may-kaangtanan sa duta, apang wala man ini sang pamatuod.
Santo sa witness, nakakita ini sang tatlo ka mga armado nga mga lalaki nga ginalantaw may kahimuan sang krimen.
Gilayon man ang mga ini nga nagsakay sa get-away vehicles.
Narecover sa crime scene ang walo ka mga fired cartridges sang cal. 45 pistol, siyam ka fired cartridges sang cal. 9mm pistol kag isa ka live ammunition.
