Pilason ang 43 anyos nga lalaki matapos ginluthang sang wala pa nakilal-an nga suspetsado sa sitio Anahaw, Barangay Carabalan ciudad sang Himamaylan, Negros Occidental alas 8:00 sang gab-i sang Domingo, Setyembre 29.
Ang biktima ang ginkilala nga si Renalde Dagodog, 43 anyos, mamumugon kag pumuluyo sang Sitio Tigbaw, Barangay Buenavista sa nasambit nga ciudad.
Sa interview sang Bombo Radyo kay Police Lt. Col. Anthony Grande, hepe sang Himamaylan City Police Station, Nagapanglakaton ang biktima kaupod ang iya nga hinablos sang hinali nga ginluthang sang wala pa nakilala-an nga suspetsado.
Naigo sa duha ka tiil si Dagodog kag ginrefer sa ciudad sang Bacolod para sa operasyon.
Dugang pa ni Grande nga personal grudge ang isa sa ginatulok nila nga rason sa pagpangluthang.
Padayon pa ang imbestigasyon sang Himamaylan City Police station tuhoy sa insidente.
