44 anyos nga lalaki, nasapwan patay matapos ginbuno sa liog sa La Carlota City; Suspect, boluntaryo nga nagsungka

Nasapwan ang isa ka bangkay sang lalaki nga may buno sa liog sa Hacienda Remedios, Barangay Balabag, La Carlota City, Negros Occidental alas-6:22 sang aga, Abril 25.

Ginkilala ang biktima nga si Lowel Lotayco 44-anyos, walang sang asawa, wala sang trabaho kag residente sang nasambit nga lugar.

Samtang, pasado alas-12:00 sang hapon sa amo nga adlaw, boluntaryo naman nga nagsungka ang suspect nga si Ricky Barcenas, 50-anyos nga residente sang nasambit nga lugar sa La Carlota City Police Station kag gin-ako ang pagpatay sa biktima.

Sa karun, ang suspect ang yara sa kustodiya sang nasambit nga Police Station para sa nagakaigo nga disposisyon.