Patay ang isa ka lalaki matapos gintiro sa Barangay Caliling, banwa sang Cauayan, Negros Occidental, Huwebes, Enero 18.
Ginkilala ang biktima sa kay Emanuel Malacao, 44 anyos, residente sang Barangay Basak sa nasambit nga banwa.
Sa interview sang Bombo Radyo Bacolod kay Police Lt. Raffy Billones, Deputy Chief of Police sang Cauayan Municipal Police Station, santo sa ila imbestigasyon ang biktima ang nagbakal sang scrap sa Barangay Caliling banwa sang Cauayan apang sang nagapauli na ini hinali nalang siya nga gintiro sang mga wala makilal-an nga mga tawo.
Sa karun, padayon pa ang ila nga imbestigasyon kag nagkig-angot na ang mga barangay officials sang nasambit nga barangay agud nga makabulig sa pagtumod sang mga suspetsado.
Ang biktima ang wala man sang kontra kag wala man sang recorded nga kaso sa Cauayan Municipal Police Station.
