44 ka mga banwa kag ciudad sa Western Visayas ang ginakabig nga election areas of concern samtang nagahilapit ang eleksyon sa Mayo 9.
Sa interview sang Bombo Radyo kay Police Lt. Col. Arnel Solis, spokespersoan sang Police Regional Office 6, aprubado na sang Regional Joint Security Control Center ang listahan.
Ini ang ginalakipan sang apat ka lugar nga nalakip sa Category Yellow, 35 sa Category Orange kag lima sa Category Red.
Negros Occidental naman ang may pinakamadamo nga election areas of concern nga nagadangat sa 18.
Ang isa ka lugar ang malakip sa Category Red santo sa Comelec Resolution 10757 kun may yara sang presensya sang private armed group, may intense political rivalry, may election-related violence, may presensya sang NPA ukon napaidalom sa Comelec control sang tinalikdan nga eleksyon.
Sa tion sang reclassification suno kay Solis, magadepende naman sa mga factors nga nakabutang sa Comelec Resolution 10757 ang pag-upgrade sang alert status, santo sa approval sang Regional Joint Security Control Center.
Ang pagcategory sa isa ka lugar ang nakadepende sa kada banwa ukon ciudad suno kay Solis kag indi ang bilog nga probinsya.
