44 ka pamilya ukon 162 ka mga indibidwal ang gin-evacuate kasunod sang serye sang engkwentro nga nagluntad sa tunga sang 15th Infantry Battalion sang Philippine Army kag New Peoples Army sa banwa sang Cauayan kahapon.
Sa interview sang Bombo Radyo Bacolod kay Mayor John Rey Tabujara, nagluntad ang engkwentro sa boundary sang tatlo ka barangay nga amo ang barangay Abaca, Poblaciion kag Man-uling.
Suno diri, ang una nga engkwentro nagluntad alas- 6:00 sang aga nga nasundan alas- 2:00 sang hapon kag ang ulihi nagluntad alas- 5:00 sang hapon.
Suno kay Tabujara, malayo sa komunidad ang area kun diin nagluntad ang engkwentro apang bangod nakabati sang linupok ang mga residente, nanaog na lamang sila sang natapos na ang pagbaylohanay sang lupok para mag-evcuate tuga sang kakulba.
Ginalauman naman sini nga indi na maglawig pa ang pagtinir sang mga evacuees apang indi pa sila makapauli tubtob nga wala pa naclear ang area.
Pahanumdom sini sa mga pumuluyo nga unahon gid ang safety sang kaugalingon kag sa tion nga may paglinupok, dapat likawan ang paggwa sa balay.
