Indi magnubo sa 44 ka indibidwal ang ginbawian sang kabuhi matapos magkulob ang isa ka overloaded nga ferry sa Lake Kariba sa Zimbabwe.
Santo sa Civil Protection Unit, may sakay nga 114 ka mga adult nga pasahero, lima ka crew member kag indi pa matumod nga numero sang mga kabataan sang natabo ang insidente kahapon.
Nahibaluan nga may kapasidad lamang nga 90 ka pasahero ang ferry.
Una na nga gin-report sang mga otoridad nga 77 ka tawo ang naluwas samtang 15 naman ka bangkay ang narekober.
Sa karon, ang death toll nagsaka na sa 44 samtang padayon pa ang search and rescue operation.
Suno sa isa ka saksi, nagbyahe ang ferry apisar indi manami ang tiempo kag posible nga gin-igo sang mabaskog nga balod nga rason sang pagkulob sini.
Ang Lake Kariba ang yara sa border sang Zimbabwe kag Zambia kag ginakabig nga pinakadako nga artificial lake sa kalibutan.
