Liwat nga ginbombahan sang Israeli forces ang Rafah City sa nabagatnan nga bahin sang Gaza nga nag-utas sang kabuhi sang 45 ka mga Palestinians.
Suno sa Israeli Defense Forces, nagpatigayon sang ila nga mga suldado sang ‘precise, intelligence-based’ actions kun sa diin nadiskubre ang mga tunnel nga posible nga kuta sang militante nga mga Hamas sa Rafah
Apang suno sa pila ka mga residente, nagagwa nga gintuyo sang Israel forces nga dalayon na nga masulod ang Rafah nga may border sa Egypt kag nangin sentro na sang pag-atake sang Israel humalin pa sadtong una semana sang Mayo subong nga tuig.
Ginpwersa man nga masulod sang mga tangke sang Israel ang nakatungdan kag naaminhan nga bahin sang ciudad.
Base naman sa Gaza Health Ministry nga yara sa 25 Palestino ang napatay sa Mawasi sa Western Rafah samtang 50 ka mga tawo ang nasamaran nga suno sa mga Palestinians ang resulta sang pag-igo sang tank shell sa isa ka tent nga ginatiniran sang mga nadisplace nga pamilya bangud sa giyera.
Ginpahayag naman sang Israeli military nga ila na ginaimbestigaran ang insidente kag santo sa ila nga inisyal nga pagpanalawsaw, wala sang indikasyon nga ginlunsyar sang IDF ang nasambit nga strike sa Humanitarian Area sa Al-Mawasi.
