Opisyal na nagbukas ang Masskara Festival kun sa diin gin-umpisahan ini sang motorcade gikan sa dalan Araneta sa Barangay Sincang-Airport kahapon.
Ang motorcade ang gin-updan sang festival sponsors.
Wala man nakapugong sa ginpatigayon nga Grand Salubong sa Masskara Festival ang pagpanalithi.
Madamo nga mga Bacolodnon kag mga pumuluyo nga nagikan sa nagkalain-lain nga bahin sang probinsya ang nag-upod sa ginpatigayon nga Grand Salubong.
Ginpangunahan ni Bacolod City Mayor Alfredo “Albee” Benitez ang pagbukas sang 45th MassKara Festival 2024.
Sa mensahe sang alkalde, ginpasalamatan sini ang Bacolod Yuhum Foundation kag ang tanan nga nagbulig agud nga matigayon ang pagselebrar sang Bacolod Masskara Festival 2024.
Luyag man sini nga mag-enjoy ang tanan bangud madamo sang nakalinya nga mga aktibidad para sa selebrasyon subong nga tuig.
