Patay ang isa ka persona matapos ginlabo sa Purok Buri, Barangay Kumaliskis, Salvador Benedicto, Negros Occidental.
Ang biktima ang ginkilala kay Alyas Lodrigo, 46 anyos, kasado samtang ang suspek amo si Alyas Johnny, 54 anyos, kasado kag residente sang nasambit nga lugar.
Sa interview sang Bombo Radyo Bacolod kay Police Major Ryan Villasario, hepe sang Don Salvador Benedicto Municipal Police Station, nag-inum sang makahulubog nga ilimnon ang duha sa balay sang ila nga abyan nga si alyas Junrey apang sang nagkaagahon na nagpauli na ang mga ini.
Suno kay Villasario, samtang nagalakat pauli ang biktima, ginpanggabot sini ang nalabayan nga mais apang siya ang ginsita ni Johnny bangud ini ang tanum sang ila abyan.
Nagsabtanay ang duha kun sa diin una nga nagkuha sang kutsilyo si Rodrigo nagud bun-on kuntani si Johnny apang ini ang nagkuha sang binangon kag ginlabo ang biktima sa liog kag sa nawala nga bahin sang ulo sini nga gintunaan sang gilayon nga kamatayon.
Naaresto ang suspek kag yara sa karun sa paghinakop sang mga kapulisan sang Don Salvador Benedicto.
Indi pag-intsindihanay ang ginalantaw nga rason sang krimen.
