46 anyos nga lalaki, patay matapos nabun-an sang kaugalingon nga utod sa syudad sang Escalante

Patay ang 46 anyos nga lalaki matapos mabuno sang iya utod mismo sa Sitio Sambulong II, Purok Sampaguita, Brgy Paitan, siyudad sang Escalante.

Ang biktima ang ginkilala nga si Jaime Javier, 46 anyos samtang ang suspetsado naman amo si George Javier, 49 anyos, kag lunsay mga residente sang nasambit nga lugar.

Suno sa Escalante City Police Station, magkaupod ang biktima kag suspetsado lakip na ang ila hinablos nga si Melton Gegoncillo samtang naga-inom sang makahulobog nga ilimnon sang nagluntad ang argumento sa tunga sang suspetsado kag hinablos sini.

Nagkuha sang binangon ang suspetsado kag aksidente sini nga nga nabuno ang iya utod sa tiyan nga gintunaan sang iya kamatayon.// Boluntaryo naman nga nagsungka sa kapulisan ang suspetsado.