Ginbawian sang kabuhi ang 46-anyos nga negosyante samtang pilason ang angkas sini nga menor de edad nga babayi matapos na aksidente sa motorsiklo sang Martes sang gab-i, sa Magallon-Moises Padilla Provincial Road, Barangay Magallon Cadre, Moises Padilla, Negros Occidental.
Sa interview sang Bombo Radyo Bacolod kay Police Major Ryan Villasario, hepe sang Moises Padilla Municipal Police Station, ang napatay nga si alyas “Ivan,” 46 anyos ang nagamaneho sang Kawasaki Barako papauli na sa ila nga balay sa Barangay Cabacungan banwa sang La Castellana samtang sakay ang isa menor de edad nga babayi.
Suno kay Villasario samtang nagamaneho padulong sa proper sang Cabacungan, nag-overtake ini sa iya ginasundan nga salakyan, apang nadula-an ini sang control nga nagresulta sang ila pagkatumba.
Bangud sa impact, lunsay nagtabog ang driver kag angkas sang motorsiklo.
Naka-agom sang madamo nga pilas ang driver samtang minor injuries na man ang naagom sang menor de edad.
Ginhingagaw pa nga madala sa hospital ang mga biktima apang gindeklarar nga dead on arrival samtang estable na ang kondisyon sang menor de edad.
