May 47 na nga totally damaged kag 490 nga partially damaged nga mga balay nga narecord sa apat pa lamang ka Barangay sa Bacolod City.
Sa interview sang Bombo Radyo Bacolod kay Department of Social Services and Development Head Dr Ritchelle Verdeprado Mangga, ang nakadtuan pa lamang nila amo ang Barangay 1, 2, 30 kag Tangub.
Ang numero ang magasaka pa sa ila nga padayun nga validation sa tagsa ka mga Barangay.
Suno kay Mangga, magahatag sang financial assistance ang Bacolod City Government sa mga apektado, apang bangod ginalauman nga tuman ka dako ang numero, ini ang ipaidalom pa sa assessment kag himuan sang plano.
Nakapanagtag naman sila sang 2,083 ka family foodpacks nga gikan sa Regional Office sang Department of Social Welfare and Development (DSWD).
Sila ang nagrequest naman sila sang dugang nga family foodpacks, apang aminado si Mangga nga mahimo indi gilayon mahatag bangod indi lamang Bacolod City ang apektado kag nagapangayo.
Luwas sa family foodpacks gikan sa DSWD, ang Bacolod City Government ang magapanghatag man sa mga apektado.
Sa karun, limitado pa lamang nga mga Barangay ang ila nalab-ot apang nagalaom si Mangga nga ini ang ila gid nga masalama agud wala sang indi masapakan nga apektado sang Bagyo.
