Nagapakig-unong si Bacolod City Mayor Evelio “Bing” Leonardia sa pamilya sang 48-anyos nga babayi nga isa ka Bacolod City government employee nga nagtaliwan takna alas-12:12 kahapon sang kaagahon bangud sa pneumonia.
Nagpositibo ini sa COVID-19 santo sa iya nga Reverse Transcription-Polymerase Chain Reaction (RT-PCR) test result nga ginkuha sadtong Hulyo 30 apang kahapon lang narelease, pila ka oras matapos ini magtaliwan.
Gilayon ini nga gin-cremate kahapon santo sa DOH protocols sa mga COVID-related deaths.
Ginpaidalom naman sa swab test ang mga naka-closed contact sa pasyente.
Una na sini napahibalo ang iya mga officemates nga asthmatic ini kag may yara sang enlarged heart.
Inisyal nga naka-eksperyensya ang pasyente sang occasional cough kag nagpakonsulta sa isa ka pribado nga doktor sadtong Hulyo 27 kag nag-home quarantine.
Gin-swab ini sadtong Hulyo 30 upod ang iban pa nga mga personnel sang iya nga departamento bangud sa posible nga exposure sini sa co-employee nga nangin COVID-positive.
Apang sang Agosto 1, nagsugod ini sa pagbatyag sang kabudlayan sa pagginhawa kag gindala ini sa ospital pagkasunod nga adlaw.
