48 anyos nga lalaki, siyam na ka beses nga nagadonar sang dugo sa Dugong Bombo

Siyam na ka tuig nga nagadonar sang dugo ang 48-anyos nga successful blood donor sang Dugong Bombo 2026.

Sa interview sang Bombo Radyo kay Randy Nebria sang Brgy Alijis, Bacolod City, sang 2008, wala siya nakapasar sa screening sa blood letting activity sang Bombo Radyo bangud kulang ang iya nga dugo.

Gani nangin panata sini nga kun mangin succesful donor siya, iya na ini padayunon.

Nalipay ini nga natagaan siya liwat sang oportunidad nga makadonar sang dugo.

Nagapati man si Nebria nga isa sa rason kun wala siya nagaeksperyensya sang hilanat ukon trangkaso bangud sa pagpakuha sang dugo kada tuig.

Siya ang may Type B nga blood type.

Nagpanagagda ini sa mga willing nga magdonate sang dugo nga magdonar sa masunod nga Dugong Bombo.