48 anyos nga mangunguma, nasapwan nga patay sa ciudad sang Kabankalan

Patay na sang nasapwan ang 48 anyos nga mangunguma nga tatlo ka adlaw nga wala nakapauli sa Purok Malipayon, Barangay Tampalon, Kabankalan City, Negros Occidental.

Sa interview sang Bombo Radyo Bacolod kay Police Captain Sammy Gasataya, Deputy Chief of Police sang Kabankalan City Police Station, nasapwan ang bangkay ni Estelito Tolomia sang Lunes sang iya manak.

Suno diri, tatlo ka adlaw nga wala nakapauli si Tolomia matapos nga magpadulong sa iya talamnan.

Ginalantaw nga nastroke kag natumba si Tolomia nga nagresulta sa iya pagkalipong.

Mahimo nga natumba ini sa madalom nga area nga may tubig kag nahimo nga nalumos.