Nagpasalig ang isa ka doktor sa syudad sang Bacolod nga isa sa anum ka mga medical doctors nga nauna na nakabaton sang Sinovac COVID-19 vaccine nga wala sang dapat kahadlukan ang mga pumuluyo sa pagpabakuna.
Sa interview sang Bombo Radyo Bacolod kay Dr. Hector Gayares, chief executive officer sang Adventist International Healthcare System Philippines kag deputy medical sang Emergency Operations Center Bacolod, wala man siya sang unusual nga nabatyagan magluwas sa abaga sini nga gintublukan sang bakuna, 48 oras matapos ang vaccination.
Suno diri, nagdrive pa ini sang salakyan matapos nga gin-ayo siya sang iya iloy kag nagjogging/walking pa matapos nga ini nabakunahan.
Suno kay Dr. Gayares, isa ka rason nga nag-una sila sa pagpabakuna agud mapakita sa publiko nga safe ang bakuna kag wala sang dapat nga kahangaw-an.
Aminado man ini nga may mga health care workers nga wait and see ang attitude.
Suno sa doktorm kun ang tawo ang mabakunahan nagaproduce na ini sang antibodies sa diin nagadepensa sa lawas batok sa virus.
Suno kay Dr. Gayares, agud malab-ot ang herd immunity dapat 70-80 percent sang populasyon ang mapabakuna apang kun diutay lang ang mapabakuna, sarang sa gihapon nga maglapta ang virus.
