Indi magnubo sa 49 ka indibidwal ang ginbawian sang kabuhi samtang 58 naman ang pilason matapos nagpatigayon sang airstrike ang militar sang Myanmar malapit sa isa ka merkado sa Kyauktaw, Rakhine State sang Lunes, Setyembre 28.
Suno sa pahayag sang Arakan Army, duha ka bomba ang gindagdag sang isa ka fighter jet malapit sa nasambit nga market.
Ginkumpirmar man sang rescue official nga si Wai Hun Aung ang numero sang mga biktima kag ginpahayag nga ang nasambit nga lugar ang isa sa mayor nga wholesale center nga ginadayo sang mga negosyante sa bug-os nga rehiyon.
Nagpaandam ang Arakan Army nga mahimo magsaka pa ang death toll samtang nagapadayon ang retrieval kag rescue operations sa naguba kag natiphag nga merkado.
Padayon ang gyera kag kinagamo sa Myanmar matapos ang ginpatigayon nga military coup sang 2021, sa diin ang militar ang nagapakig-away sa mga nagkalain-lain nga armado nga grupo kalakip ang Arakan Army.
