Nagpanawagan ang pinuno sang Department of Social Services and Development (DSSD) sang Bacolod City sa tanan nga 4Ps beneficiaries sa syudad nga nadisqualify sa Social Amelioration Program nga magpalista liwat sa inyo barangay hall.
Suno kay Pacita Tero, nagpagwa sang memorandum circular ang DSWD central office nga naqualify liwat ang mga ginkakas nga 4Ps beneficiaries.
Ginpahayag man ni Tero nga basta ang mga ini ang may yara sang kaugalingon nga pamilya kag balay kag yara sa gihapon sa lista sang ila ginikanan bilang 4Ps beneficiary, sarang gid sila nga makapalista apang wala pa sang form nga fill-upan.
Suno kay Tero, sa barangay hall mapalista kag indi sa Bacolod Government Center.
May yara naman sang 600 ka mga 4Ps beneficiaries nga ginkakas sang tinalikdan.
Suno kay Tero, bwas ang deadline para sa pagpalista.
